• Tuesday 17th , January 2017 | मङ्लबार, माघ ४, २०७३

‘Miss world-2016’ को उपाधी पियर्टो रिकोकी स्टेफनीलाई

एजेन्सी, ‘Miss world-2016’ काे ग्राण्ड फिनालेमा पियर्टो रिकोकी स्टेफनी डेल भाल डियाजले विश्व सुन्दरीले जित्आन सफल भएकी छन् । १८ डिसेम्बर राति सम्पन्न अमेरिकाको म्यारिल्याण्डस्थित एमजिएम नेसनल हार्बरमा सम्पन्न ६६ औं संस्करणको विश्व सुन्दरी प्रतियोगितामा पाँच फिट आठ इन्च उाचाईकी १९ वर्षिया स्टेफनीले विश्वका अन्य एक सय १६ जना सुन्दरीहरुलाई पछि पार्दै यस पटकको मिस वल्र्ड विजेताका रुपमा आफूलाई प्रस्तुत गर्न सफल भएकी हुन् ।

प्रतियोगितामा डोमिनिकन रिपब्लिककी यारिट्जा मिक्युलिना रेयस रामरिज फस्ट रनर अप तथा इन्डोनिसियाकी नताशा मान्युएला सेकेन्ड रनर अप चयन भएका थिए । उल्लेखित तीन सुन्दरी बाहेक केन्याकी एभ्लिन जाम्बी थुङ्गु र फिलिपिन्सकी क्याट्रीयोना ग्रे पनि फाइनल टप फाइभ भित्र पर्न सफल भएका थिए ।

प्रतियोगिता अन्तर्गतको विशेष अवार्डहरुमा ट्यालेन्ट विधामा मंगोलियाकी बायर्टसेट्सेग अल्टानजिरेल ठहरिन् भने टप मोडल विधामा चीनकी जिङ कोङ उत्कृष्ट विजेता बनिन् । यसैगरी मल्टिमिडियाको अवार्ड फिलिपिन्सकी क्याट्रीयोना ग्रेले जितिन् भने स्पोर्ट विधामा कुक आइल्याण्डकी नतालिया शर्ट तथा ब्युटी विथ पर्पस विधामा इन्डोनेशियाकी नताशा मान्युएला आफूलाई अब्बल सावित गरिन् ।

मिस वल्र्ड २०१६ मा नेपालकी प्रतिनिधि मिस नेपाल २०१६ की विजेता अश्मी श्रेष्ठले भने ब्युटी विथ पपर्स विधामा आफूलाई टप फाइभ भित्र राख्न सफल भइन् । अश्मिको ब्युटी विथ पर्पस प्रोजेक्ट ‘क्लास रुम एण्ड वियोण्ड’ शीर्षकमा ‘नेपालको दुर्गम क्षेत्रमा गुणस्तरीय शिक्षा आवश्यकता र यसमा पहलकदमी’ माथि केन्द्रित थियो ।

 

Loading...