• Saturday 21st , January 2017 | शनिबार, माघ ८, २०७३

यी बहादुर युवतीको हत्या गर्नेलाई दश लाख डलरको पुरस्कार

लण्डन- आतङ्कवादी सङ्गठन आईएसआईएस (इस्लामिक स्टेट) एक कुर्दिस-दानिस युवती जोआना पलानीको मूल्य १० लाख अमेरिकी डलर तोकेको छ । यी बहादुर युवतीको हत्या गर्नेलाई आईएसले १० लाख अमेरिकी डलर पुरस्कार दिने घोषणा गरेको हो ।

सन् २०१४ मा आतङ्कवादीसँग लड्नैका लागि विश्वविद्यालको पढाई समेत त्यागेकी जोआना अहिले आईएसको सर्वाधिक खोजीको सूचीमा छिन् ।

बेलायती पत्रिका ‘द इन्डिपेन्डेन्ट’ का अनुसार जोआना पलानी यसबेला जेल जीवन बिताइरहेकी छन् । जुन, २०१५ मा यात्रामा प्रतिबन्ध लगाइएपछि देश छोडेको अभियोमा उनी कोपेनहेगनमा आफूमाथिको आरोपको सामना पनि गरिरहेकी छन् ।

उनीविरुद्धको सुनुवाइ मङ्गलवार भइरहेको छ। यदि जोआना दोषी पाइन् भने उनीमाथि डेनमार्कबाट मध्यपूर्वसम्म आईएस आतङ्कवादीलाई आउन जान रोक्नका लागि बनाइएको नयाँ कानुन अनुसार दुई वर्ष कैद सजाय हुनेछ । त्यसो त जोआनाको डेनमार्कमा वापसीलाई लिएर अनलाइनबाट पनि र अफलाइन (वास्तविक विश्व) बाट पनि धम्की आइरहेको छ ।

समाचारपत्रले अरबी सञ्चारमाध्यमलाई उधृत गर्दै जनाए अनुसार आईएसआईएसको सामाजिक सञ्जाल च्यानलबाट यसै साताको अन्त्यमा प्रसारित सन्देशमा जोआना पलानीको हत्या गर्नेलाई १० लाख अमेरिकन डलर पुरस्कार दिने घोषणा कयौँ भाषामा आएको छ ।

जोआना पलानीले अघिल्लो साल पुलिसले आफ्नो राहदानी जफत गरेपछि तत्कालै प्रतिक्रिया दिँदै फेसबुकमा लेखेकी थिइन्, ”म कसरी डेनमार्क या कुनै अरू देशका लागि खतरा बन्न सक्छु । जबकि म आफैँ आधिकारिकरुपमा त्यस सेनाको एउटा सदस्य हुँ, जसलाई डेनमार्क नै (आईएसआईएसविरुद्ध) लड्नका लागि प्रशिक्षित गर्दछ र समर्थन पनि दिन्छ….।”

इरानी कुर्दिस्तानमा सम्बन्ध राख्ने परिवारकी जोआना पलानीको जन्म पहिलो खाडी युद्धका क्रममा इराकको रमादीस्थित एक शरणार्थी शिविरमा भएको थियो । उनको परिवारले उनी सानै हुँदा डेनमार्कमा शरण लिएको थियो ।

जब सन् २०१४ मा आईएसआईएस ह्वात्तै फैलियो तब त्यस समूहविरुद्ध कुर्दिस आन्दोलनमा लागेर जोआना पलानीले राजनीति विषयको पढाई बिचमै छाडिदिएकी थिइन् ।

उत्तरी सिरियामा कुर्दिश पिपल्स प्रोटेक्सन युनिट (वाईपीजी) तथा इराकमा पेसमेग्रा फौज दुवैतर्फबाट आईएसविरुद्ध उनले युद्ध लडेकी थिइन् ।

सामाजिक सञ्जाल फेसबुकमा गरिएको एक पोस्टमा जोआना पलानीले लेखेकी थिइन्, ”महिला अधिकार, लोकतन्त्र तथा दानिस युवती भएकाले युरोपियन मूल्य मान्यताबाट सिकेर तिनीहरूका खातिर लड्नका लागि मलाई प्रेरणा मिलेको थियो ।”

Loading...