• Friday 26th , May 2017 | शुक्रबार, जेष्ठ १२, २०७४

साफ महिला फुटबल च्याम्पियनसिप आजबाट सुरु, नेपालले भूटानको सामना गर्ने

काठमाडौं, चौथो साफ महिला फुटबल च्याम्पियनसिप आजबाट सुरु भारतको सिलिगुढीमा हुँदैछ ।

प्रतियोगिताको पहिलो खेलमा नेपालले भुटानको सामना गर्नेछ । यसअघिका तीन संस्करणको फाईनलमा भारतसँग पराजित हुँदै उपविजेतामा सिमित नेपाल यसपटक पनि उपाधि जित्ने लक्ष्यका साथ भारत पुगेको छ ।

नेपालका प्रशिक्षक कुमार थापाले यसपटक नेपाली टोली पहिलेभन्दा पनि उच्च तयारी र मनोबलका साथ प्रतियोगिता खेल्न लागेकोले उपाधि जितेरै देश फर्कीने बताएका छन् ।

नेपालले प्रतियोगिताको समुह चरणमा भुटानसँगै माल्दिभ्स र श्रीलंकासँग खेल्नेछ । अर्को समुहमा भारत अफगानिस्तान र बंगलादेश रहेका छन् ।

सन् २०१० बाट सुरु भएको साफ महिला च्याम्पियनसिपमा यसअघिका तीन वटै संस्करणको फाइनलमा नेपाललाई भारतले हराएको थियो । उक्त प्रतियोगितामा पाकिस्तानले भने भाग लिएको छैन ।